這幾個月，大家唔知有乜體檢，我就覺得"股市裏沒有不可能發生的事"，以為股市係理性分析的地方，可能只會令大家失望而回。

股市一口氣升了四、五成，你知佢發生乜事? 又話熱金，又話觸底。"股市係一個森林，下一刻見到兔仔定獅子，有時唔到你控制。"

不過，但你有無諗過。其實，你係有得選擇?

"就係自己出場休息下，唔賺事小，唔輸事大。"大家諗諗。

呢段時間，大家做過d咩呢 ? 股市係集好多聰明人的錢堆出來的。要在其中有收獲，非要勤力不可。在這段時間，作個人進修。

點進修 ? 呢方面就有多少同大家分享，進修不外乎報讀課程，同讀書，坊間有好多課程，不過睇得上眼的都不是太多，一係費用問題，二係在短短一個半個鐘頭，看不到多大的效用。返而，在書本中也看到很多宝貴的經驗，在選股、分析及策劃中都獲益不少。

不經不覺股齡又大一年，經過幾個月的閉關，配合股市早前的調整，現時稍有把握，所以又同大家分享。

個人覺得現階段，市場在炒悲觀概念，大家不仿視為泡沫的"反向活動"，主要在想將資金從股市中迫出。當市況改變，大戶又會將手中的股票推高，要小股民有買趁手? 情況就好時裝一樣，每年都有不同特式，當然係生意人想做多d生意啦 。股票基金經理都係人，都要生活，咁點會唔照呢個遊戲規則呢?

去年炒得火熱的中人壽，今年點 ? 今年初的中移動，如今點 ?

(閱讀全文)

先看看近來股市，股市其實是心理戰，好多人惊緊次按。坦白講，次按係計時炸彈，不過，個人覺得由於個多月來的調整，個市以進入安全區，好快又會有d人話次按已經解決，之後，就大家都時運高睇唔到，繼續炒返歺。

另一個話題，係陳太最終當選，我個人係願賭服輸，佢係市民選出來的，但願佢係立法局有更多正面的貢獻。

另一方面，要同大家檢討的是這個跌市中有沒有犯了不應犯的錯。坦白講﹐個人認為今次跌市的準備做得不太好，首先是高位接貨，令下跌時損失擴大。二是由基本分析改為投機性炒作，輸錢實正在是自已道行未到家的結果。

(閱讀全文)

己有一個多月沒有寫網誌，因為工作實在太忙。這幾天見個市咁淡，又想同大家分享一下個人觀察。

(閱讀全文)

【十萬發達倉】己有幾日沒有寫新文章，因為我個人的投資組合都未有改變。同好多朋友一樣，本金少實在有好多困難。不過，可以以策略補這個缺口。個人發達基金暫時有19.5%回報，緊追恆指升幅22.6%。

一如早前預言三萬點唔洗去到年尾，詳情請看 10月4日一文 :( 下跌是升浪的一部份 )。

好似打麻雀咁，有時要睇睇雀友乜牌將先可以作出應變。內地同胞落場玩了半個月，可以見到係佢地比香港股友更有實力，可以推高隻中行(3988)同工行，呢兩間龍頭銀行，早己被鎖定價位，如今都比佢地推倒，真係勁 ! 另一現像係，佢地可以做出能人所不能的事，好似上午牛市、下午熊市、收市牛市，即係有力量將股價拉低泥入貨，我給佢地10個勁 !

我估佢地有約埋一齊炒，所以特別有隊形，香港好少咁做因為怕輸錢比人告。閒話講過，這幾天要準備變陣以求追過恆指。

(閱讀全文)

【十萬發達倉】近日個市陰陽怪氣，上午升、下午跌，下午升、上午跌。上午計緊升幾點，牛氣沖天、下午跌到阿媽都唔認得。真係唔係好想指出泥。不過，個人覺得呢個大戶係到玩心理戰，佢要令各個散戶唔可以同一時間集中注意力沽貨同入貨，咁物可以升又殺，跌又殺。

不過對於我地計過數先入場的散戶泥講，就沒有影響，第一個市一定升，因為重有源源不絶的資金入緊香港。第二自問買入前有做足功課，所以升跌只需等待時間證實。好似其中一隻中國天化(362)雖然業績不錯，但沒有人要，理由只有一個就係表面證據不明顯，只有繼續等，到時溢價提升自然，被追捧的機會自然提升。一星期不定、一個月也不定。始終好野一定有人欣賞。係估唔到既時間佢就會升到你唔信。都係果句，唔好比我又一次講中。

【十萬發達倉】有時股市就係咁樣，一日可以上升一千六百點，一日可以跌返你六百點。個人覺得有兩個反應，其一是只要有錢要舞高弄低，只要一個鍵盤按鈕就以可以輕易完成。另一係呢個大戶玩得低招，若果要在高位放貨，昨日推高，今日推低，令日覺得好似完全不可預測。其實其目的不外乎，要震走d人手上的貨。好多人其實對後市都有信心，不過好多人都要賺盡佢，低買高賣。邊有咁理想呀?!當你排隊手沽貨果刻，大戶係到等收貨，收夠就抽返上去。說到尾，升完一輪，回一回是健康的。

唔好比我估中，我正路估下二週才回升。不過，只怕週五或會似上週翻版，升定等。反正有貨在手，沒有分別。

(閱讀全文)

【十萬發達倉】 昨天稍作回順，發達基金跌市中跑羸恆指。由於現在係國內資金流入初期，估計調整只係大戶入貨的方法，亦係大戶”邀請”內地股民入市的方法。因為要營造一個炒風，最好的方法就係要有人羸，比周圍的人睇到這些活生生的”人版”，才會有其他人入市。個人認為H股有可能A股化，個人保守估計四叔所說的三萬點可能唔洗去到年尾就超額完成。個人組合，已投資了大部份資金，有些現價比買入價更低，其實十分吸引。是否如此？請大家作證，往後本欄會引用這文。

(閱讀全文)

【十萬發達倉】 一如早前估計，內地同胞趁黃金週落香港掃貨，(詳情見 : 內地股民破解中央停車令)。大家有否聽到新聞報導網上買股出現問題，多年來都沒問題，點解 ? 睇返早前本欄分析啦 ! 都話烏鴉咀，提一提都唔得，又一次比我講中，都同大家分析過國內同胞係用網上理財炒股，原有設計為香港地區的使用量，加埋國內同胞更死啦 !

十分抱歉剛過去的幾日十分忙碌，不過，關鍵時刻，本欄當然會表態啦。昨日推介的星辰通信(1155)遲遲未能詳細介細，今日先作補充。

(閱讀全文)

【十萬發達倉】 假期過後，今天估計會由龍頭股先行開路，暫時忍一忍。近日看中了星辰通信(1155)，因業績好。細細隻，易炒上。本欄會在$2.75以下買入4千股星辰(1155)。

大家好運 !

【十萬發達倉】 大家係咪重諗緊二萬七點幾時跌呢? 試看下文分析。

作為投資者，真不可以單看報章報導就自動入腦，有時報導中唔可以話比你聽邊d係佢估既，邊d係事實，因為咁做個記者分分鐘比老闆"問候"。比個活生生的例子 : 你有沒有看過北水南調的報導，由八月開始，有說是八月、有說是九月、有說是十月、有說是十一月。其實改咁多次物即係唔知囉。筆者在公司內做管理的，見慣信口雌黃的同事，所以凡事要看證據。筆者可以話比大家聽，其實資金己經入緊泥，證據? 大家有沒有見到恆指在二萬三點一口氣升上二萬七點。香港人好多都係股民，邊得來咁多錢推到咁高。這便是證據。

(閱讀全文)

【十萬發達倉】 港交所發布的統計數字表示，恒生指數今天收市創新高27065.15點，上升634.86點。二萬七算高定低 ? 個人覺得重可以炒多一個禮拜，因為真係好多水入緊香港，暫時唔驚佢唔升，只係諗緊邊隻股最受惠。

(閱讀全文)

【十萬發達倉】 明天就係個人10萬發達倉的開倉第1個月。有時都幾大壓力，始終謀事在人，成事在天。本月相當好運，幾隻推介都比想像中早有表現。

先報報成績，本月發達倉增長為14.48%(即1萬4千多)，同期恆指上升11.74%。暫時跑羸恆指。若要往後保持成績，往後就得要多做功課。

(閱讀全文)

有時覺得10萬發達倉的金額太少，買唔到好多隻。想買中人壽都買唔到好多手，其實都有諗過要加大錢碼，不過，好多其他投資者都係10萬唔夠。咁先考功夫啦，所以就打消了這個念頭。

金界上週剛公佈半年業績，半年營業額增長54.4%達至約64,700,000美元，純利升至20.085百萬美元，相對上期增長14.66%。以現時PE 14.51，股價尚算合理。金界在未來半年會有更多賭枱投入運作。眼看收成期將至，本欄會本欄會繼續持有。

(閱讀全文)