有人覺得民主好重要，其實我好唔明係咪民主可以凌駕一切? 坦白講，有時覺得班立法會大爺唔知係到做乜，好似好兒戲咁。好似小學生話要自己選班長，其實對於我地班市民泥講，邊個係班長其實係唔係咁重要呢 ? 不如，你話比我地聽，你地想邊個做班長。更加叫個班長交齊功課比大家過目。就過往幾年所見，個人睇唔到邊個係實實際際為港人做事，更加唔明白以佢地的工作表現憑乜加自己人工? 點解冇人走出泥絶食抗議，佢地自己加自己人工呢 ? 不知所謂!

可能我短視啦，我覺得你連自己地方一d成績都搞唔出，淨係想識死鬥爛鬥，簡直不知所謂! 近年除咗普選，我未見過呢班議員有乜野係更落力去做: 西九? 未來發展? 好多乜智庫、物智庫，最后物又係得過講，好多大型建設都係傾唔掂數都要拉倒，然後推瀉責任。香港經濟發展得咁慢，佢地有冇覺得自己有責任。坦白，成日淨係係到反對，有冇試過真係協調一致，為香港做野。愛香港唔係得把口，香港人其實對政治冇乜要求，但求經濟上穩步向前，理鬼你邊個做特首。好似澳門咁，人地冇民主，但人地一條心，慢慢已經趕過我地，你地班立法會大爺，做過d乜，有冇諗過點可以做得好過澳門。我估好多主法局大爺係冇諗過，有就唔會搞到今日咁。我相信，你地班立法會大爺，有好多人叻過人地何特首。不過，可惜你生不逢時，生於香港，淨係係到你爭我鬥。

回歸前，香港主力搞經濟，香港人個個引以為榮，祖國同胞都覺得我地係中國人的精英。回歸后，香港淨係識搞政治，有時都聽到國內同胞笑我地二世祖、靠呀爺，作為香港人都有d心酸。>.<

坦白講，果班二世祖議員，成日只係識得搵我地d中產笨，呢樣又話派唔夠，果樣又話派唔夠。我地中產係怕事，費事出泥抗議，我地唔係白痴到比人搵咗笨都唔知!

八九年之後有一段時間，個人覺得白鴿黨好好，係我地未來的希望。不過，時間話比我地聽，佢地有勇無謀，每每帶起問題，而冇建設性的作為，所以我好認同"反對黨"呢個名佢地係當之無愧。我都係做管理，最憎係果d"使忽鬼"，淨係搞事，最後物又要人地同佢"清理現場"，消失只係遲早的問題。及後有個"律師"黨，個人覺呢次冇死，有專業人仕取替白鴿黨。點知，佢地真係"專業"，不過君子動口不動手 - "齋講"。

講咗咁耐，大家都會話我係左仔。坦白講，我曾經有段時好想投陳婉嫻一票，但係佢係"人賤聯"的人，果年我都冇投票比佢，投左比"律師黨"。點鬼知果個譚會計，選咗出泥變晒樣，話民意調查不可信，選得佢出泥就要信佢決定。真係唔該佢早d講，等我無謂浪費一票係佢身上。不過，這次區議會選舉，我沒投票，坦白講冇乜得簡，因為各個黨都冇乜表現，但如果真係投我會投比"人賤聯"，主要因為佢地協助特首在一些議題上有貢獻。曾特首上台後，香港總算有多少復原。

大家可能會講，你個福水物又係淨識講 。錯! 我有以下建議:

一 ，我覺得無論係中央派人定係普選。其實，中國人管治香港己經係一見作為中國人驕傲的事，好多事可以商諒，唔洗成日上街、示威比外國人睇。想方法與中央有正常溝通，係一個正常政黨的重要課題。唔好話人地冇專重你，專重係相方的。

二，大家有冇留意到，內地的未來五年規劃，我覺得最大的是以"科學治國"。十多年前要同中央打交道，非要有背景不可，但現在要同中央打交道，非要人材不可。你話你自己係人材，你做得比人專業，即係你點係小事做得比其他人好，唔係淨識搞破壞，唔係淨識講普選。可唔可以以黨的力量搵d專家，提供個方案好過政府黨? 唔係下下都推倒計劃，以建設的方式做事。這將是廣大香港市民之福。

三.政黨政治唔係得個反對的作用，你有道理，政府唔敢反對。香港人係現實的，如果邊個政黨有個方案可以令香港起飛，要有全面計劃，要可執行。你咪話曾特首要聽，就算中央都會派人來研究。

這些議題，"人賤聯"、"白鴿黨"同"律師黨"都要面對，在好多人希望有普選的同時。我更希望班立法會大爺知道自己的工作，做多d實實際際的事情令香港更安定，更繁榮，唔好搞咁多爭權奪利的事，就係咁簡單。