【十萬發達倉】己有幾日沒有寫新文章，因為我個人的投資組合都未有改變。同好多朋友一樣，本金少實在有好多困難。不過，可以以策略補這個缺口。個人發達基金暫時有19.5%回報，緊追恆指升幅22.6%。
一如早前預言三萬點唔洗去到年尾，詳情請看 10月4日一文 :( 下跌是升浪的一部份 )。
好似打麻雀咁，有時要睇睇雀友乜牌將先可以作出應變。內地同胞落場玩了半個月，可以見到係佢地比香港股友更有實力，可以推高隻中行(3988)同工行，呢兩間龍頭銀行，早己被鎖定價位，如今都比佢地推倒，真係勁 ! 另一現像係，佢地可以做出能人所不能的事，好似上午牛市、下午熊市、收市牛市，即係有力量將股價拉低泥入貨，我給佢地10個勁 !
我估佢地有約埋一齊炒，所以特別有隊形，香港好少咁做因為怕輸錢比人告。閒話講過，這幾天要準備變陣以求追過恆指。
入貨指示首先會在$2.9或以上沽出手上4000股鴻隆(1383)，這隻股票長遠來說有發展不過暫時未有太多人認識，反正這4000股是羸回來的。沽出後，將會放在$2.62以下購入中國林大(910)，這隻股票會是林木業中的中移動，估計十二月前會展開升浪。
環顧基金組合中星辰通信(1155)暫時損失15.6%，這是由於現時資金集中在大價股，無論3G花落誰家，都要技術支援，到時就有人唱好這隻。
EditGrid Spreadsheet by user/bmchannel.
