今日翻開報章，又係個個陳太走出泥選，雖然我好忙，都要打幾隻字講下。我想問，個名叫"民主派"就代表民主? 今日見到陳太話出泥選，第一句印象就係"佢係代表自己，唔係代表我這小市些民，更談不上代表民主。"。一佢唔係由民主選出來的代表，二佢係一個政客，多過一個爭取人民利益的"民主女神?"。

投資者要有獨立思考 ?

我的政治要求好簡單，邊個做到野，我就支持邊個。老董做唔做到o野大家心裏有數。如果佢係一間公司的CEO，公司混亂、運作唔好，佢下台係好自然的事。咁大家有冇睇返係佢下邊果班人邊個要扣分，走咗果d唔計，依次係:陳太、煲呔、葉太。理由係佢地有份參與政策，運作有問題，係咪由上而下問罪落泥。煲呔在金融風暴的表現，當將功補過。葉太佢係23條，個人覺得佢做得冇錯，好似公司咁，個個都話有自己里念唔DO，到時邊個做野。因為當時葉太要向話事人老董負責。佢明知唔對都要做，因為佢係公職人物，佢有責任同老董解釋，但係老董講要，佢一定要做。呢重係負責任的表現。重有陳太，佢要同老董爭坐位，明眼人一睇就知佢地唔妥啦。就好似公司裏管理層玩權力鬥爭，個人睇呢樣野好平常。不過要係良性，要鬥就鬥業績，對局內局外人都有利。唔好搵全公司利益作籌碼，因為會傷了自己名聲，更傷了全公司員工的飯碗。及後，兩人不歡而散，周圍一團糟。一個沒有私心的人，離去前會安排好一切，令公司運作如常。一個以自我為中心的人，只會拍拍屁股走了，留下一個一個的炸彈。到時炸彈爆發，還會贊其"領導有方"。我個人只會睇前者係"君子"，後者係"小人"。

可惜我係住九龍。否則，我一定會用我神聖的一票，令陳太明白我唔認同佢!